Dalagita ginahasa, pinatay sa harap ng boyfriend

Got a tip? Send it to us at manila@coconuts.co.

Isang 16-anyos na dalagita ang ginahasa at pinatay sa harap mismo ng kanyang nobyo sa Marinduque.

Si alias “Anna” at ang kanyang nobyo tinutukan ng baril ng isang lalaking naka-bonnet. Dinala sila sa isang liblib na lugar at doon ay tinali sila sa isang kahoy.

Binaril ng lalaki ang nobyo ng dalagita ngunit nabuhay pa rin ito pagkatapos nagpatay-patayan. Sinabi n’ya na nabanggit ni Anna ang pangalan ng gumahasa sa kanya bago namatay ang dalagita.

“Fermin delos Santos” ang pangalan na nabanggit daw ni Anna. Ang lalaking ito ay minsan nakakainuman ng kanyang ama.

Nagpunta si Delos Santos sa pulis upang magbigay ng DNA sample. Ayon sa kanya, wala s’yang kinalaman sa karumaldumal na nangyari kay Anna. (Exclusibo, nagpa-Patrol si Zyann Ambrosio. TV Patrol, Abril 17, 2015, Biyernes)

This article has been re-published with permission from ABS-CBNnews.com.