Kwentaxi by Juana C: Tolentino, basa!


Got a tip? Send it to us at manila@coconuts.co.


On this series, social activist Juana Change rides taxis and talks to drivers about life and living in Metro Manila. This week, JC and a taxi driver trade horror traffic stories.

Juana C: Mama, sa Century City Mall po ako.
Taxi driver: Tuloy po!
JC: Salamat ho sinakay niyo ako. Mahigit isang oras na ho akong naghahanap at naga-abang ng taxi. Kahit isang oras na ang binigay kong palugit male-late pa rin ako sa meeting ko. Haaaaaay!
TD: And to think hindi pa rush hour.
JC: Wala nang pinipiling oras o araw ang trapik. Lahat na kanya. Dapat palitan na ang pangalan ng Manila.
TD: Ha ha! Ano po ipapalit nyo?
JC: Parusa! Siyudad ng Parusa. Ha ha ha! Galit? Malapit na akong gumawa ng pelikula tungkol sa lahat ng trahedyang nagmumula sa trapik.
TD: Sana po maka-ekstra ako dyan. Totoo po. Maraming beses ko nang naranasan na ang kayang kunin ng 10 minutes, nagiging two hours.
JC: O three…
TD: Pag minamalas-malas ka pwede pang lima…
JC: O higit pa. Alam niyo kung ano ang naisip kong title?
TD: Ano po?
JC: Walang Gagalaw
TD: Hahaha! Parang holdap lang.
JC: Holdap na, may torture pa. Minsan ihing-ihing-ihi na ako. Eh sa tunnel ako ng EDSA inabutan. Gusto kong magsuklob ng supot sa mukha at ihian ang EDSA eh. Buti natiis ko.
TD: Mahirap talaga yan. Parusa nga.
JC: Parusa talaga. Kung di lang marami ang mga pogi dito, nilayasan ko na ang siyudad na ito. Ha ha! Beautiful birds lang pala ang gusto.
TD: Mahilig pala kayo sa pogi?
JC: Ang totoo ho niyan, sila ang mahilig sa akin. Secret lang natin yan ha? Huwag mong ipagkalat.
TD: Ngayong nakilala ko na kayo, naiintindihan ko po sila. Bihira po ang mga babaeng may gift of laughter.
JC: Bukod pa po yan sa talent ko sa kama ha?
TD: Ha ha ha ha! Ano ho ba ang talent niyo sa kama? Idagdag niyo na sa secret natin.
JC: Ang hilik ko ay tunog lullabye. 
TD: Ha ha ha! Sampol!
JC: Huwag naman. Ngayon pa lang tayo nagkakilala eh, tegi agad? Wag muna.
TD: Tama po. Wag na! 

JC: Haaay! Wala na! Inugatan na ang mga ka-meeting ko. Alam niyo dati nung nasa Singapore ako, nakita ko ang kaibahan eh. Duon, pag iniskedyul mo ang araw mo, magagawa mo ang lahat ayon sa pinlano mo. Dito, ang malaking bahagi ng plano ay ang pagbibigay oras sa trapik at paghihintay sa mga natrapik.
TD: Kaya yang si Tolentino hindi ko iboboto yan eh. Hindi nya nagawa ang trabaho nya.
JC: Nakuha pa ng gagong yan na magpakuha sa media na kunwari eh nagtatrapik siya at sumakay sa motor ng walang helmet.
TD: MMDA head siyang naturingan.
JC: Di ba gago? Ako na din ang sasagot. Gago talaga!
TD: Yang shake drill nya ay pangangampanya niya yan.
JC: Imbes na gawin ang trabo nangangampanya na kung saan-saan.
TD: Hindi ho yan mananalo!
JC: Itataga ko sa bilbil ko ang pangakong ikakampanya ko ang kanyang pagkatalo sa eleksyon. Ang misyon po natin ay ilaglag si Tolentino. Tapusin na ang karir niya sa gobyerno. Pasakit sa taumbayan!
TD: Sinabi niyo pa.
JC: Kausapin ang bawat pasahero.
TD: Pero malamang alam na rin nila yan. Hindi naman tayo tanga. Pero dapat magiging mas aktibo tayo.
JC: Ang tagumpay natin ay ang pagbasak ni Tolentino!

Hey reader, your favorite Kwentaxi stories have been compiled in a book by Anvil Publishing. ‘Kwentaxi by Juana C’ will be launched on Sep 24, 6pm, at National Book Store (Glorietta 1, Ayala Center, Makati). You are all invited! Check this Facebook page for details.

 



Reader Interactions

Leave A Reply


BECOME A COCO+ MEMBER

Support local news and join a community of like-minded
“Coconauts” across Southeast Asia and Hong Kong.

Join Now
Coconuts TV
Our latest and greatest original videos
Subscribe on